$ 449.58  486.94  4.86

ОҚО-да екі бірдей шенеунік ірі көлемде пара алып жатқанда қолға түсті (ВИДЕО)

Оңтүстік Қазақстан облысында екі бірдей шенеунік пара алып жатқан жерінде қолға түсті деп хабарлайды Сыбайлас жемқорлыққа қарсы іс-қимыл ұлттық бюросының баспасөз қызметі.

"23 шілде күні Ұлттық бюроның Оңтүстік Қазақстан облысы бойынша департаменті өкілдері 7 миллион теңге көлемінде пара алып жатқан жерінен ОҚО Ревизиялық комиссиясының төрағасы С.Шалабай мен осы комиссияның бас аудиторы Б.Құдияровты ұстады. Бұл қаражат үшін олар тексеру хаттамасына оң нәтиже көрсетуге уәде берген", - делінген аталған хабарламада.

С.Шалабай Шымкент қалалық ІІБ-нің уақытша ұстау абақтысына жабылды. Ал, қылмысты мойындап, тергеу амалдарына көмектескені үшін Б.Құдияров қамауға алынған жоқ. Сотқа дейінгі тергеу амалдары жүргізілуде.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары

Тегтер:

#видео