Шығыс Қазақстан облысында суық қаруланған қарақшылар жеке үйлердің біріне шабуыл жасап, екі адамды өлтірді деп жазады Tengrinews.kz.
Қылмыскерлер отағасын атып өлтіріп, отбасының өзге мүшелерін байлап тастаған. Сондай-ақ, осы үйге қонаққа келген марқұмның туысы да ауыр жарақат алып, біраз уақыттан соң көз жұмды. Үйден 1 миллион теңгеден астам қаражат ұрланған. Қайғылы оқиға Көкпекті ауылында орын алды.
"Қыркүйектің 10-нан 11-не қараған түні ауылда қарақшылық шабуыл тіркелді. Белгісіз біреулер жеке үйдердің біріне басып кіріп, үй иесін атып өлтірген. Сондай-ақ, оның туысына ауыр жене жарақаттарын салған. Ол ауруханада көз жұмды. Қарақшылар үйде болған екі әйелді байлап тастаған және 1 миллион теңгеден астам қаражатты алып, іздерін суытқан", - дейді ШО ІІД өкілдері.
Шұғыл іздестіру шаралары барысында полицейлер Көкпекті ауданының үш тұрғынын ұстаған. Олар қазір уақытша тергеу абақтысына жабылған. Сотқа дейінгі тергеу амалдары жүріп жатыр.