$ 443.85 € 474.3 ₽ 4.8
Жаңа туған сәбидің өлі денесі Шымкенттегі қоқыс тастайтын орындардың бірінен биыл 20 қазанда табылған болатын. Бұл жайт бойынша Абай аудандық ІІБ ҚР Қылмыстық кодексінің 100-бабы (жаңа туған сәбиін өлтіру) іс қозғалды деп хабарлайды ОҚО ІІД.
Сәбидің анасын іздеуге ОҚО ІІД-нің жеке құрамы толық жұмылдырылған. Шұғыл іздеу шаралары барысында полицейлер Астана қаласынан 26 жастағы жергілікті тұрғынды ұстады. Ол өз қылмысын толық мойындаған.
Қазіргі таңда ішкі істер департаментінің өкілдері оқиғаның мән-жайын анықтап жатыр. Күдікті әйел Шымкентке жеткізіледі және осында тергелетін болады.
