Жаңалықтар. Қазақстанның жаңалықтары

Қазақстан, Қазақ, Жаңалықтар, Тіл, Қазақша, Қазақша жаңалықтар, Әдебиет, Телеарналар, Газеттер, Радиолар, Електронды бақ, Дін, Ақпарат, Билік , Хабар,Азаттық, Қаз ақпарат , жаңалықтар бүгінгі, жаңалықтар бүгінгі, жаңалықтар қазақстан, жаңалықтар 2015, жаңалықтар қазақша, бүгінгі жаңалықтар қазақша, қазақстан жаңалықтары, жаңалықтар кз, Қазақша жаңалықтар

11.02.2018, 15:24

"Шөп шегеді". Актөбелік жігіт "намазхан" жолдастарынан жиіркеніп кеткенін айтты

Ақтөбеде дәстүрлі дінді мойындаған жігіт шөп шегіп жүріп, Алланы айтатын жолдастарынан жиіркеніп кеткенін айтты.

Ақтөбе облыстық «Нұр Ғасыр» мешіті жат ағым өкілдерімен жасаған жұмысы туралы жариялады. Дін өкілдері адасқан топпен жекелеген кездесулерді көбейткен. Нәтижесінде дәстүрлі дінді мойындаған азамат өз шындығын айтып беріпті.

«Қателеспесем, ІІ курста оқып жүрген кезім. Дінге деген қызығушылығым оянды. Абдуғаппар Сманов, Дарын Мубаровтың уағыздарын тыңдадым. «Намаз оқып үйренейік!» деген кітапша сатып алып, намаз оқуды үйрендім. Бірақ кейін бірер намазхан бауырларым бұлай оқу дұрыс еместігін айтты.

Солардың айтуы бойынша, намазды қайта-қайта қол көтеріп оқып, әминді сырттай айтатын болдым. Сақал қойдым, балақты қысқарттым. Әйелім де арнайылап ниқаб кимесе де, орамалының шетімен бетін жауып, бүркеніп жүрді.

Қазір ойлап отырсам, бастапқыда бізде сыртқы келбетке деген еліктеушілік басым болған сияқты. Солар не жасаса, соны қайталадық. Діннің дұрысы осы деп ойладық», - деп ағынан жарылған дәстүрлі дінге оралған жігіт.

Бірнеше жыл жат ағымды ұстанған жігіт теологтармен сөйлескеннен кейін шөп шегіп, Алланы танып жүрген жолдастарынан түңіліп кеткен.

«Бауыржан Әлиұлы есімді ұстаз менімен жеке сөйлесіп, намазды қалай оқитыным, дәретті қалай алатыныма дейін сұрады. Бәрін жасырмай айттым, қарсылық танытқан жоқпын. Ол маған бұрын намаз үйреткен жігіттердің адасып жүргенін және Алланы тануда да қателіктері бар екенін түсіндірді.

Осы кездесуден кейін көп ойландым. Онсыз да соңғы кезде намазхан таныстарымның кейбір істері маған ерсі болып көрінетін. Суннамен жүреміз дейді, бірақ екі сөзінің бірі былапыт-боғауыз. Кейбіреуі шегеді деп те еститінмін. Қарыз алса, қайтармайды. Адамға оңай жала жаба салады. Көздерінде түк мейірім жоқ. Шыны керек, осыдан кейін олардан жиреніп кеттім», - дейді ол.

«Нұр Ғасыр» мешітінің ресми сайтындағы мәліметте жігіттің қазіргі уақытта діни сауат ашу курсына барып, ұстаздардан сабақ алып жүргені айтылған. Әйелі де бүркенгенін шешкен.

Дереккөз: NUR.KZ

Пікір қалдыру үшін әлеуметтік желі арқылы кіріңіз

     
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

DivideGroup — сайт әзірлеуші

©2016-2018 Skifnews.kz. Авторлық және жарнама құқықтар толығымен сақталады.

    Яндекс.Метрика