$ 443.85 € 474.3 ₽ 4.8
«Өнер қырандары» театрының бастамасымен «Харекет» қайырымдылық қоры осымен 9-рет мұқтаж жанға баспана кілтін сыйлады. Алматы қаласында өткен «Берекелі мереке-4» атты кеште олар қос қолынан айрылған ер азаматтың отбасына пәтер табыстады. Қуанышты хабарды жақында ғана кіші қажылық сапарына барып келген Төреғали Төреәлі өзінің Instagram-парақшасында бөлісті.
«Сүйінші, 9-үйді иесіне тапсырдық. Қадірлі ағайын! Алла Тағаланың қалауымен Тараз қаласынан алынған бұл баспана Мағжан Асылбекұлына бұйырды. Оқыс оқиға салдарынан 6 жасында қос қолынан айырылған бауырымыз бұл күнде отбасылы, бір қызы бар.
Үй кілті «Өнер қырандары» театрының Алматы қаласындағы «Берекелі мереке – 4» атты рухани кешінде тапсырылды. Игілікті іске үлес қосқан барша ағайынға алғысымыз шексіз. Алла разы болсын!» – деп жазды әнші.
