13.06.2018, 18:25

Павлодарда моншада шыққан өрт: Әйелі мен екі баласынан айрылған ер адам жұрттан көмек сұрады

Павлодарда өрт кезінде әйелі мен кішкентай балаларынан айырылған ер адам жерлеу рәсіміне көмек көрсетуді сұрайды деп хабарлайды Tengrinews.kz.

Ер адамның айтуынша, ол өрт болған кезде жұмыста, ал әйелі балаларымен бірге ата-анасының үйінде болған. Өрт жазғы ас үй бөлмесінен шыққан. Ал әйелі мен балалары сол сәтте ас үйдің маңында салынған моншада болған.

Өңірлік ТЖД баспасөз қызметінің мәліметінше, өрт 12 маусымда түске қарай болған. Өрт сағат 13.25-те сөндірілген. Жалпы аумағы 20 шаршы метрді қамтыған. Өрт болған жерде үш адамның денесі табылған - әйел мен оның 2011 және 2014 жылғы балалары.

Алдын ала мәлімет бойынша, өртке электр сымдар жүйесінің қысқа тұйықталуы себеп болған.

"Жұлдыз өрт кезінде балалармен моншада жуынып жатқан. Балалар жалаңаш болды. Жүгіріп шыға алмаған. Моншаның терезесі жоқ, есік жабылып қалған. Оларға үш есіктен өту керек болды - моншаның, жазғы ас үй бөлмесінің және шешініп киінетін жердің есігінен. Жазғы ас үй бөлмесіне шығу мүмкін болмаған. Себебі өрт бүкіл жерді шарпыған. Жұлдыздың беті, қолы күйіп кеткен, балалары мен өзінің өмірін сақтап қалу бар күшімен есіктерді ұрған", - дейді қаза болған әйелдің туыстары.

Қазіргі уақытта олар жерлеу рәсіміне дайындалып жатыр

"Күйеуі жергілікті зауыттардың бірінде жұмыс істейді. Қаза болған әйелдің ата-анасы егде жастағы адамдар. Қаза болғандарды жерлеу үшін кем дегенде жарты миллион ақша керек. Сондықтан біз көмек сұрап жатырмыз", - дейді еріктілер. 

Жұлдыз Темірбаеваның таныстары мен құрбылары оның мейірімді адам болғанын айтады. Медициналық университетті аяқтаған соң ол Павлодар облысы Ертіс ауылына жұмысқа келген. Күйеуімен сонда танысқан. Қызы мен ұлы болған. Кейіннен олар Павлодарға көшіп кеткен.

Ақша жіберуге қажетті  реквизиттер Instagram желісінде Павлодардың еріктілер клубының парақшасында жарияланған.

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

   

Skifnews жаңалықтарын Facebook-те
оқу үшін "Нравится" белгісін басыңыз

  

 

©2016-2018 Skifnews.kz. Авторлық және жарнама құқықтар толығымен сақталады.