$ 449.58  486.94  4.86

«Не болғанын сезген жоқпын»: Шымкентте Mercedes жүргізушісі әйелді қағып, 200 метрге дейін сүйреткен

Желтоқсанның 16-нан 17-не қараған түні Шымкенттегі Тәшенов көшесінде жантүршігерлік жол көлік оқиғасы болды деп жазады Otyrar.kz.

Mercedes автокөлігінің жүргізушісі 1973 жылғы әйелді қағып кетіп, оны 200 метрге дейін көлігімен сүйреген. Жүргізушінің өзі болса адам қаққанын білмегенін айтып отыр.

«Не болғанын сезген жоқпын. Тек 200 метр жүргеннен кейін ғана көліктің астында бірнәрсе жатқанын сездім және тоқтадым. Тек сол кезде ғана астында адам жатқанын көрдік, жолаушылармен көлікті дереу көтеріп, оны шығарып алдық", - дейді адам қаққан ер азамат.

Оқиға орнына жеткен жедел жәрдем станциясы әйелді дереу ауруханаға жеткізіп, дәрігерлер оған шұғыл ота жасаған. Қазір науқас хал үстінде жатыр, жағдайы аса ауыр дейді ақ халаттылар. Ал, полиция болса оқиғаға кімнің кінәлі екенін анықтауға кірісіп кетті.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары