Нартай Дүтбаев екі айға қамауға алынды - Жаңалықтар. Қазақстанның жаңалықтары. Skifnews.kz ақпараттық портал

Нартай Дүтбаев екі айға қамауға алынды

06.01.2017 18:03
Нартай Дүтбаев екі айға қамауға алынды

ҚР ҰҚК-ның экс-басшысы Нартай Дүтбаев екі айға қамауға алынды деп хабарлайды Tengrinews.kz.

"Астананың Есіл аудандық №2 сотының 2016 жылдың 28 желтоқсанындағы қаулысымен Дүтбаев Нартай Нұртайұлына, Хасен Нұрлан Болатұлына, Нұртаев Ерлан Сүйімбайұлына қатысты екі айға қамауға алу түріндегі бұлтартпау шарасы таңдалды", - делінген редакцияның ресми сауалына Астана сотының берген жауабында.

Оның ұсталғаны жайлы 2016 жылдың 28 желтоқсанында белгілі болған. "Жүргізілген жедел іздестіру іс-шаралары барысында 2016 жылдың 26 желтоқсанында Қазақстан Республикасының Қылмыстық кодексі 185-бабының 3-бөлімінде ("Мемлекеттік құпияларды жария ету") және 362-бабының 3-бөлімінде ("Билікті немесе лауазымдық өкілеттіктерді асыра пайдалану") көзделген қылмыстарды жасауға күдіктілігі бойынша Дүтбаев Нартай Нұртайұлы, Хасен Нұрлан Болатұлы және Нұртаев Ерлан Сүйімбайұлы ұсталды", - делінген еді ҚР ҰҚК хабарламасында.

Сонымен қатар, осы аталған тұлғалардың Қазақстан Республикасы Қылмыстық-процестік кодексінің 128-бабының тәртібінде ҰҚК уақытша ұстау изоляторына қамалғаны хабарланды. Күдіктілер мен олардың туыстарының тұрғылықты мекен-жайы бойынша тінту жұмыстары жүргізілді, заттай айғақтар тәркіленді. 

Айта кетейік, Нартай Дүтбаев 2001-2006 жылдар аралығында ҰҚК төрағасы қызметін атқарған болатын.

«Skifnews.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

E-mail: info.skifnews@gmail.com

Сайтта жарнама орналастыру

   

Skifnews жаңалықтарын Facebook-те
оқу үшін "Нравится" белгісін басыңыз

  

 


©2016 Skifnews.kz. Авторлық және жарнама құқықтар толығымен сақталады.

DivideGroup — сайт әзірлеуші