Астанада 9 мың көлікті тұрақпен қамтитын пилоттық жоба жүзеге аса бастады

19.06.2017, 17:21

Астанада 9 мың көлікті тұрақпен қамтитын пилоттық жоба жүзеге аса бастады

Бүгін Елордада «Астана қаласындағы көлік тұрағын басқару» жобасының бірінші кезеңі тесттік тәртіпте бастау алды. 472 орынға арналған көлік тұрағы Нұржол саяжолында орналасқан. Қазіргі таңда көлік ведомствасының мамандары автокөлік иелеріне тариф, төлем тәсілдеріне қатысты тұрақты пайдалану ережелерін түсіндіруде.

«Астана қаласындағы көлік тұрағын басқару» жобасы Елорданың көлік кешендерін жаңғырту бағдарламасы аясында қолға алынып, вокзал маңы, коммерциялық паркингтер, жолдағы тұрақтар бойынша көше-жол желілерін қамтамасыз ету мақсатында жүргізілуде. Аталған басқару жүйесі қаладағы көлік қоятын орындарға мониторинг жүргізу үшін, жүргізушілерге бос орындар туралы ақпарат беруге, жол қозғалыс ережесі бұзылған жағдайда және тұрақ орындарына ақы төленбеген кездерде автоматты түрде тіркеу үшін қолға алынып отыр.

Пилоттық жоба құрамына 9 мың көлік қоятын орынды қамтитын көше-жолдардың желісі қарастырылған.  

Аталған жоба жолдың жүретін бөлігінде ұзақ уақытқа қоятын автомобильдерді азайту арқылы көше-жолдар желісіндегі жүктемелерді 20-30% кемітуге, көлік тұрақтарының кеңістігіндегі көрсеткішті 40-50% азайтуға және қоғамдық көліктерге сұранысты 15-20% көбейтуге бағытталған. Сонымен қатар, жоба қала орталығындағы көлік қозғалыстарының жылдамдығын арттыруға мүмкіндік береді, ЖКҚ оқиғаларын 70-80% дейін азайтып, жаяу жүргіншілердің, қоғамдық көлік құралдары мен автомобильдердің қозғалысына қолайлы жағдай жасауға ықпал етеді деп күтілуде.

Жобаны тестілеу кезінде көлік иелерінен жаңа жүйемен кеңірек танысу мақсатында тұраққа көлікті қою үшін ақша талап етілмейді, дейді жобаны әзірлеушілер.

Еске салайық, автокөлік қозғалыстары тым көп жерлерде ақылы тұрақтарды қою арқылы бірқатар маңызды мәселелердің түйіні шешілмек. Әлемдік тәжірибе бойынша осындай жобалар кептелістің орын алмауы мен жол ережелерінің бұзылу көрсеткішінің азаюына мүмкіндік жасайтын ең тиімді тәсілдердің бірі.

«Skifnews.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

E-mail: info.skifnews@gmail.com

Сайтта жарнама орналастыру

   

Skifnews жаңалықтарын Facebook-те
оқу үшін "Нравится" белгісін басыңыз

  

 


©2016 Skifnews.kz. Авторлық және жарнама құқықтар толығымен сақталады.

DivideGroup — сайт әзірлеуші