19.04.2018, 11:46

Дональд Трамп пен Ким Чен Ын өзге елдің территориясында кездеспекші

АҚШ президенті Дональд Трамп Солтүстік Корея лидері Ким Чен Ынмен Тайланд, Сингапур, Моңғолия немесе Еуропа қалаларының бірінде кездесуі мүмкін. Осылай деп Bloomberg агенттігі өз дереккөзіне сүйеніп хабарлайды.

Дональд Трамп алдында маусым айының басында жоспарланған Ким Чен Ынмен кездесу үшін, бес қаланың бірін қарап жатқанын айтқан. Саясаткерлер Солтүстік Кореядағы ядролық қаруды талқылауы мүмкін. Bloomberg дереккөзінің мәліметіне қарағанда, кездесуге ыңғайлы жерлер ретінде Прага, Варшава, Хельсинки, Стокгольм, Осло және Женева кіреді.

Мұнан бөлек Трамп әкімшілігі Ұлан-Батыр, Бангкок немесе Сингапурді де қарастырып жатыр екен. Bloomberg-тің жазуынша, Оңтүстік және Солтүстік Корея мен Қытай аумағы келіссөз жүргізетін елдер қатарынан о бастан алынып тасталған.

Дональд Трамп наурыз айында Ким Чен Ынмен кездескісі келетінін мәлімдеген. Оған дейінгі америкалық президенттер Солтүстік Корея басшыларымен ешқашан кездескен емес. Кездесудің дәл уақыты, орны әлі белгісіз. 18 сәуірде ЦРУ директоры Майк Помпео мен Ким Чен Ын Солтүстік Корея аумағында құпия кездескені жөнінде хабар тараған.

Дереккөз: centralasian.org

Telegram-каналға жазылып, бәрінен хабардар болыңыз!

Пікір қалдыру үшін әлеуметтік желі арқылы кіріңіз

SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

   

Skifnews жаңалықтарын Facebook-те
оқу үшін "Нравится" белгісін басыңыз

  

 

©2016-2018 Skifnews.kz. Авторлық және жарнама құқықтар толығымен сақталады.