Жаңалықтар. Қазақстанның жаңалықтары

Қазақстан, Қазақ, Жаңалықтар, Тіл, Қазақша, Қазақша жаңалықтар, Әдебиет, Телеарналар, Газеттер, Радиолар, Електронды бақ, Дін, Ақпарат, Билік , Хабар,Азаттық, Қаз ақпарат , жаңалықтар бүгінгі, жаңалықтар бүгінгі, жаңалықтар қазақстан, жаңалықтар 2015, жаңалықтар қазақша, бүгінгі жаңалықтар қазақша, қазақстан жаңалықтары, жаңалықтар кз, Қазақша жаңалықтар

31.01.2019, 14:47

Мәскеу соты Жомарт Ертаевты қамаудан босатпады

Мәскеу қалалық соты қазақстандық бұрынғы банкир Жомарт Ертаевтың өзін қамауда ұстау туралы сот шешіміне түсірген апелляциялық шағымын қанағаттандырудан бас тартты. Бұл туралы ҚазТАГ агенттігіне сілтеме жасаған Zona.kz интернет басылымы хабарлады.

ҚазТАГ ақпаратына қарағанда, 30 қаңтарда Мәскеу қалалық соты Жомарт Ертаев адвокатының Пресненский аудандық сотының Ертаевты 6 айға қамау туралы шешіміне апелляциялық шағымын қараған. Аудандық сот 2018 жылы 25 желтоқсанда Ертаевты 2019 жылдың 26 маусымына дейін қамау туралы шешім шығарған. Қалалық сот аудандық сот шешімін күшінде қалдырған.

Ресейлік «Тройка-Д Банк» иелерінің бірі 46 жастағы Жомарт Ертаевты былтыр мамырдың басында Ресей қауіпсіздік органдарының қызметкерлері ұстаған. 11 мамыр күні Мәскеудің Пресненский аудандық соты прокуратураның Ертаевқа қамауға алу түрінде бұлтартпау шарасын қолдану туралы өтінішін қанағаттандырудан бас тартып, оны үйқамаққа алған.

Қазақстан Бас прокуратурасы Жомарт Ертаевты сырттай Қылмыстық кодекстің 177-бабының 4-тармағы («алаяқтық») бойынша айыптап отыр.

Қазақстан билігі Жомарт Ертаевты «қазақстандық Bank RBK-нің директорлар кеңесі төрағасының кеңесшісі болған кезінде банктен жалған фирманың атына 80 миллион доллардан астам займ алып беруге және оны қайтармауға көмектескен» деп күдіктенеді.

Былтыр мамырда ресейлік БАҚ Жомарт Ертаевтың адвокаты арқылы жолдаған үндеуін жариялаған. Үндеуде Ертаев Bank RBK-да ешқашан жұмыс істемегенін, бұл банктің штатында және акционерлері құрамында болмағанын айтады. Ресейлік «Коммерсантъ» газеті Жомарт Ертаевтың сотта Ресейден саяси баспана және азаматтық беруді мәлімдегенін хабарлаған. Ол өзін қудалаудың саяси астары бар деп білетінін айтқан.

Қаңтардың басында Ресей ақпарат құралдары Мәскеу қалалық соты Жомарт Ертаевты Қазақстанға экстрадициялау туралы шешім шығарғанын хабарлаған.

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.