$ 447.4 € 477.55 ₽ 4.76
Геннадий Головкин алдын жоспарлағандай 5 мамыр күні бәрібір жұдырықтасатын болды. Бірақ, әрине, Сауль Альвареспен емес. Қазіргі таңда GGG промоутері оған қарсылас іздеп жатыр деп жазады Sports.kz.
Жекпе-жек Лас-Вегастағы MGM Grand кешенінде өтеді. Бұл туралы Невададағы Атлетикалық комиссияның ресми сайтында хабарланған. Комиссия GGG Promotions өткізетін кездесуді өзінің күнтізбесіне енгізіп қойыпты. Сондай-ақ, аталған жекпе-жек HBO телеарнасынан PPV жүйесі арқылы көрсетілетін болады.
Әзірге Сауль Альварестің орнын кім басатыны белгісіз. Мексикалық боксшы ақпан айында допинг-тесттен өте алмай қалған болатын. Қазір Головкиннің командасы украиналық Сергей Деревянченкомен және ирландиялық Гэри О’Салливанмен келіссөздер жүргізіп жатыр.
