Бауыржан Байбек «Еуразия барысы» жеңімпаздарына 10 млн теңге табыс етті

Жаңалықтар. Қазақстанның жаңалықтары

Қазақстан, Қазақ, Жаңалықтар, Тіл, Қазақша, Қазақша жаңалықтар, Әдебиет, Телеарналар, Газеттер, Радиолар, Електронды бақ, Дін, Ақпарат, Билік , Хабар,Азаттық, Қаз ақпарат , жаңалықтар бүгінгі, жаңалықтар бүгінгі, жаңалықтар қазақстан, жаңалықтар 2015, жаңалықтар қазақша, бүгінгі жаңалықтар қазақша, қазақстан жаңалықтары, жаңалықтар кз, Қазақша жаңалықтар

17.12.2017, 13:44

Бауыржан Байбек «Еуразия барысы» жеңімпаздарына 10 млн теңге табыс етті

Оңтүстік астананың «Алматы Арена»» спорт кешенінде өткен халықаралық «Еуразия Барысы - 2017» турнирінің жеңімпазы анықталды. Алматы әкімі Бауыржан Байбек бірінші орынды жеңіп алған Қазақстан командасына 10 млн. теңге тапсырды.

Халықаралық турнирді ашқан Алматы әкімі қалалықтарды еліміздің ұлы мерекесі – Қазақстанның Тәуелсіздігі күнімен құттықтады. 

«Тәуелсіздік алған күннен бастап елдің рухын асқақтатуға, ана тіліміз бен ділімізді нығайтуға, елдік сананы шыңдауға бағытталған істерге аса үлкен мән берген Мемлекет басшысы Нұрсұлтан Назарбаевтың жасампаз саясаты бүгінде ұлт санасын жаңғыртуды діттеген «Рухани Жаңғыруға» ұласты. Елбасы айтқандай, Ұлттық код, ұлттық мәдениет сақталмаса, ешқандай жаңғыру болмайды. Олай болса, біз ұлттық спорт түрлерін, қазақтың палуандық өнерін дамытуды жан-жақты жалғастыра бермекпіз. Көкпар, аламан бәйге, аударыспақ, жамбы ату, қазақ күресі секілді ұлттық спорт түрлерін жүйелі түрде қолдау – бұл бір жағынан, жаужүрек батырлар тәрбиелеуге, спортшы жастардың танымал болуына, өмірден өз орнын алуына жасалған үлкен мүмкіндік болса, екінші жағынан, әлемдік өркениетке елімізді өз мәдениетімен, өз өнерімен, өз спортымен танытудың құралы», - деді мегаполис басшысы.

Алматы - бүгінгі күні әлем мойындаған спорттық орталық, небір аламан-дода өткізу дәстүріне ие қала, әйгілі саңлақтардың отаны. Жалпы, Тәуелсіздіктің алтын бесігі – әсем Алматының осы істердегі орны ерекше. Ірі халықаралық спорттық шаралар, әлем біріншіліктері, басқа да бірегей жобалар алматылықтардың күнделікті тіршілігінде мықтап орын алды. Тек бір ғана «Спорт менің ауламда» жобасының өзі биыл 6000-нан астам жас спортшыны қамтыды.

Қала әкімі Алматыда екі жыл қатарынан ат спортынан аламан жарыстардың өткенін айтты. Егер өткен жылы оған 200 жуық бәйгешілер қатысса, биыл 600 спортшы бақ сынасты. Ал, халықаралық «Еуразия барысы» турнирі мегаполисте осымен 2-ші рет өтті. Халықаралық сайысқа әлемнің 8 елінің, яғни Бразилия, Камерун, Грузия, Моңғолия, Жапония, Өзбекстан, Түркия және Қазақстанның 70-ке жуық палуаны қатысуда. 

Турнир олимпиадалық шығып қалу жүйесі бойынша «қабырғадан қабырғаға» форматымен өтті. Ұлттық командалар құрамында танымал пауландар болды. Финалда Алматы қаласының палуандары мен Қазақстан командасы кездесіп, табан тірескен күрес барысында ұпай саны бойынша Қазақстан командасы бірінші орынды жеңіп алды.

Әлем Кубогінің жалпы жүлделік қоры - 20 млн. теңге. Бірінші орын жүлдесі - 10 млн. теңге, екінші орынға көтерілген Алматы қаласының командасы 6 млн. теңгені, үшінші орынды еншілеген Өзбекстан командасы 4 млн.теңгені ұтып алды.

Ұйымдастырушылардың айтуы бойынша жарысты 120 млн. көрермен «Қазақстан», «KAZSport», Түркияның «TRTAvaz», Ресейдің «Матч планета» телеарналары арқылы тікелей трансляциядан көрген. Халықаралық турнирге жиналған көрермендер алдында Мәдина Сәдуақасова, «Салтанат» би ансамблі, «Қобыз сарыны», «Хазар» этно- фольклорлық ансамбльдері, «Жiгіттер» квартеті өнер көрсетті.

SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

DivideGroup — сайт әзірлеуші

©2016-2018 Skifnews.kz. Авторлық және жарнама құқықтар толығымен сақталады.

    Яндекс.Метрика