Айтыскер ақын Серікзат Дүйсенғазы ақын Есенқұл Жақыпбектің өлеңіндегі мәтінді өзгерткен әншіге шара қолдануды талап етті, деп жазды Skifnews.kz ақпарат порталы.
Бұл туралы ол facebook-тегі парақшасында жазды.
Бәзбір жас әншілер Есенқұл Жақыпбек ағаның «Өзіңді аңсап» деген атақты өлеңіндегі «Сен туған ауыл, ел-жұртың неткен бақытты, Өзіңді күнде жүретін көріп көзбенен» деген жолын «Күніге сені жүретін көріп көзбенен» деп өзгертіп алыпты. Автордың көзі кеткен соң осылай ойына келгенін жасайтындарға тыйым жоқ па? Авторлар қоғамы арқылы жауапкершілікке тарту керек шығар? Zhaken Omarov, Sayat Medeuov достарым, бұған не дейсіздер? – деді Серікзат Дүйсенғазы.