Қоғам 14.12.2017 сағат 09:14

Футбол сабағы Қазақстанның 215 мектебіне енгізілді (ВИДЕО)

Қазақстанның футбол федерациясы Білім және ғылым министрлігімен бірігіп, елімізде «футбол пәнін» оқытатын жобаны іске қосты. Келер жылдан бастап Қазақстанның 215 мектебінде дене шынықтыру пәнінің әрбір үшінші сағатында футбол сабағы оқытылмақшы, деп жазады Tengrinews.kz.

Бөлісу
Бөлісу
Бөлісу

Футбол пәнін оқытатын 215 мектепті министрліктің жанындағы Ұлттық ғылыми-тәжірибелік дене тәрбиесі орталығы таңдап алды. Сабақты бастауышта оқитын балаларға оқыту көзделіп отыр.

Жаңа пән ОҚО, Жамбыл, Қызылорда, Павлодар, Қарағанды, Алматы облыстары, сондай-ақ, Астана мен Алматы қалаларының мектептеріне енгізілді. Тек Алматы мен Астананың өзінде ғана 30 мектептің оқушылары футбол пәнін мектепте меңгеретін болады. 

Жаңа пәннің өз оқулықтары бар. Қазақ және орыс тілдерінде басылып шыққан кітаптармен қазіргі таңда мектептердің барлығы қамтылған. Ал, оқытушылардың біліктілігін арттыру мақсатында семинарлар мен шеберлік сағаттары өткізіліпті.

Бұл іс-шараларға еліміздің ірі футбол командаларының яғни, «Астана», «Тараз», «Шахтер», «Ордабасы», «Жетісу», «Қайсар», «Ертіс» жаттықтырушылары қатысып, мұғалімдерге өз білгендерін үйреткен.

Жаңа пәнді енгізудегі басты мақсат – салауатты өмір салтын мектеп қабырғасында қалыптастырып, талантты футболшылар даярлап шығару.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар