$ 446.49 € 475.38 ₽ 4.79
Мұғалжар ауданының Бұлақты ауылында бұзау қырылып жатыр. Әлеуметтік желідегі ақпараттан соң мал дәрігерлері тексеруді бастады деп жазады Aktobenews.kz.
Әлеуметтік желіде «Өткен жылдың аяғына таман Мұғалжар ауданының Бұлақты (Родник) ауылында белгісіз себептермен ірі қара мал, оның ішінде баспақтардан ауру шықты. Бас-аяғы бір күн ауырады да өледі. Бұл күні індет əлі жалғасып жатыр» деген ақпарат тарап кетті. Ауыл тұрғындары қырылған малдың суретін қосымша салған.
«Бұлақты ауылының тұрғындары мал қырылып жатқанын хабарлап, шағым түсірген жоқ. Біз де әлеуметтік желі арқылы біліп, ауылға дәрігерлер жіберілді. Алдағы уақытта тексеру жүргізіліп, себебі белгілі болады», — деді Мұғалжар аудандық ветеринария бөлімі бастығының орынбасары Бауыржан Тілеулин.
