Қоғам 17.01.2018 сағат 05:58

ШҚО-да бір ауылдың тұрғындары жаппай сарыаурумен ауыра бастады

Шығыс Қазақстан облысы Үржар ауданындағы Шолпан ауылында сарыауру індеті өршіп барады деп мәлімдеді Хабар-24.

Бөлісу
Бөлісу
Бөлісу

Былтыр күз айында басталған жұқпалы дертпен бүгінде 50-ге жуық оқушы ауырған. Тіпті адам өлімі тіркеліп үлгеріпті. 11 жастағы жеткіншек ауруы асқынып көз жұмған. Қазір дәрігерлер жаппай егу жұмыстарын қолға алып, 139 оқушыға вакцина салыпты. Алайда тұрғындар аурудың алдын алу шараларына көңілдері толмай, балаларын мектепке беруге үрейленіп отыр. 

1400-ге жуық халқы бар Шолпан ауылының тұрғындарынан күзден бері маза қашқан. Өткен жылдың қыркүйек айынан бастап мектеп оқушылары ішінде сарыауру тарала бастапты. Содан бері аудан әкімдігі мен жергілікті дәрігерлер қаншама жанталасқанымен, жұқпалы дерттің беті қайтпай тұр. Ал Индира Жәнібекова «баламды аудандық аурухана қабылдамай, ауылда амбулаторлық ем тағайындалғандықтан, қайғылы жағдайға душар болдық», – дейді.

Индира Жәнібекова, Шолпан ауылының тұрғыны:

- Басында мұны сарыауру емес, ұшынып қалған деді. Біздің көшенің басында бір қыз ауырып бастады. Одан жұқпалы аурулар емханасына апарып жатқызды. Бір апта жатты ма, жатпады ма, 2 баланы мектепке әкелді. Ол балаларды не оқшаулаған жоқ, не алдын алған жоқ. Ақыры менің қызым ауырды, міне, нәтижесі осындай болып отыр. Сол сарыаурудан қайтыс болды, асқынып кеткен. Жансақтау бөлімінде жатқанда қасында болдым. Қарамағанның нәтижесінде осындай болып отыр, салғырттықтың кесірінен ғой.

Қазір бұл жағдай бойынша прокуратурада қылмыстық іс қозғалған. Әлі қорытындысы беймәлім. Ал ауыл тұрғындары үрей құшағында өмір сүруге мәжбүр. Өйткені мектепте сабақ әлі жалғасып жатыр.

Жескенбай Тілеуберлин, Үржар аудандық орталық ауруханасының бас дәрігері:

- Аурумен қарым-қатынаста болған 800-дей адамнан қан алынды. Жалпы 49 адамда тіркеліп, 25-і орталық ауруханада емделіп шықты. Алдын ала екпе жүріп жатыр. Ата-аналардың келісімімен 8-9-ына 90 балаға, бүгін 49 балаға, жалпы саны 139 балаға екпе жасалды. ып, дәрігерлердің рұқсатымен.

Жаппай екпе жасалып жатқанымен, аурудың қашан тоқтайтыны белгісіз. Өйткені гепатиттің неден шыққаны нақты анықталмаған. Елді алаңдатып отырғаны, ахуалдың асқынғанына қарамастан, облыстық денсаулық сақтау басқармасынан бірде-бір маман келмеген. Енді олар республикалық комиссиядан мәселенің мән-жайын жан-жақты тексеруін сұрап отыр.  

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар