$ 441.66 € 475.14 ₽ 4.86
«Жүкті қып беремін». Желіде бір жігіт осындай қызмет түрін ұсыныпты. Өз қызметін 500 мың теңгеге бағалаған. Бірақ қызметін тұтынушыға қоятын өз талаптары да бар екен.
Instagram желісіндегі @almatstop паблигінде жарияланған бұл жарнамада көрсетілген талаптың бастысы — жүкті қылатын әйелдің ажарлы болуы.
«Жалғызбасты көрікті келіншектерге бала көтеруге көмектесемін. Бойым — 186 см, салмағым — 80 келі. Қой көз, қоңыр-қара түсті шаш» деп жазылған жарнама мәтінінде.
Желі қолданушылары ұрығын, бір сөзбен айтқанда баласын сатқан жігіттің бұл қылығын тексіздікке балап, мұндайдың алдын алуды ұсынған. Ал тағы бірі оны қолдаған:
«Оң жақта отырып қалған кәрі қыздар көп. Тұрмысқа шыға алмаса да ең құрымағанда бала сүйсін деп ата-анасы жаны ашып жатады. Сонда баланы күлге аунап туа ма? Дұрыс, өстіп жігіттер ыңғай білдірмесе, олар отыра береді„.
Ал біреуі қалжыңдап, жігітке қызметінің арзан екенін жазыпты:
«Масқара, Алматының кәрі қыздары таласып жатқан шығар өзіне. Қызметін арзандау екен, ә».
