Астана қалалық «Нұр Астана» мешіті Ораза айт мейрамына орай арнайы мерекелік шара ұйымдастырды деп хабарлайды Skifnews.kz «Нұр Астана» орталық мешітінің баспасөз қызметіне сілтеме жасап.
Қасиетті Рамазан айымен қимай қоштасқан астаналықтар мешітке келіп айт намазын оқыған соң, «Нұр Астана» орталық мешітінің арнайы ұйымдастырылған мерекелік дастарханынан дәм татты. Ұлық мерекеге орай дәстүрлі жәрмеңке өткізіліп, таң сәріден мешітке аяқ басқан халық мешіт алдындағы қазақ үйлерде жайылған дастарханда бас қосты.