Оңтүстік Қазақстанда кәмелетке толмаған 350-ден аса жүкті қыз есепте тұр. Мұндай санды ОКҚ-да өткен брифинг барысында ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия мүшесі Бексұлтан Тұтқышев атады, - деп хабарлайды Skifnews.kz
«Денсаулық сақтау басқармасының мәліметіне сәйкес, жасы 12-ге енді толған, бірақ 17-ге толмаған 350-ден аса жүкті қыздың есепте тұрғаны анықталды. Дәрігерлердің айтуынша, оның соңы жағымсыз әрекеттерге әкеп соғады және ол қыздар мен жаңа туылған сәбилердің денсаулығына әсер етеді», - деп келтірді әкімдіктің ведомствоаралық комиссиясы ұсынған мәліметті Тұтқышев. Ол бұл жағдайдың Оңтүстік Қазақстанға байланысты екенін айта кетті.
Оның айтуынша, мұндай жағдайға мемлекет емес, ата-ананың жауапкершілігі басым болу керек. Мемлекет баланы өмірге келген күннен бастап тәрбиелей алмайды.