Алматы қаласы инженерлік желілерінің қайта өнделуі тамыз айының аяғында аяқталады

Алматы қаласы Энергетика және коммуналдық шаруашылық басқармасының басшысы Мақсут Исаховтың айтуынша, жүргін бөліктегі инженерлік желілердің қайта өнделуі айдын аяғында аяқталады, сонымен автокөліктердің барлық учаскелерде кедергісіз жүруі қамтамасыз етіледі. Сонымен қатар, қайта өндеу кезінде қала тұрғындарын үздіксіз ыстық сумен камтамасыз еткен, уақытша кестелерді бұзу және аумақты көріктендіру бойынша жұмыс жалғасады.

Биылғы жылы Төле би (Варламов - Өтеген батыр - Отарская және Розыбакиев – Тлендиев көш.), Бөгенбай батыр (Мұқанов – Айтиев көш.), Жамбыл (Пушкин - Назарбаев), Қазыбек би (Уалиханов – Абдуллин көш.), Қарасай батыр (Наурызбай батыр – Чайковский көш.), Чайковский (Қарасай батыр - Төле би) және Шагабутдинов (Құрманғазы - Орталық стадион) көшелерінде инженерлік желілер жаңартылды.

Соңғы жылдары Алматы қаласында 800 шақты шақырым инженерлік желілер салынып, қайта өнделді. Оның ішінде 313 шақырым су құбыры, 266 шақырым кәріз жүйесі, 15 шақырым электр құбырлары және 32,3 шақырым жылу құбырлары.

Ұзындығы 500-дей шақырымды құрайтын 524 көше және жаяу жүргіншілерге арналған, ұзындығы 100 шақырымды құрайтын жаяужол жөнделді. Алматының 3 787 аулаларынан 1 400-дей аула жаңартылып, қайта өнделді. Барлық жерасты өткелілердің күрделі жөндеу жұмыстары аяқталуда.

Сонымен қатар, шаһардың тарихи орталығының қайта жөндеу жұмыстары жалғасуда. Былтыр Панфилов, Жібек жолы, Гоголь, Қабанбай батыр, Төлебаев, Байсеитова көшелері және «Астана» алаңы жаңартылса, биыл Абай даңғылы, Абылайхан, Достық, Назарбаев, Желтоқсан көшелері, «Алматы-2» бекетінің аумағы және Республика Сарайының алдындағы алаң жөнделуде.