Жезқазған қаласындағы «Екі Жұлдыз» мейрамханасында «Жезқазған қаласы ішкі саясат бөлімінің жастар ресурстық орталығы» және «Жастар одағы» қоғамдық бірлестігінің ұйымдастыруымен қалалық «Жомарт жүрек» форумы өтті. Бұл Форум Елбасының «Рухани жаңғыру» бағдарламасының бір бағыты «Туған жерге туыңды тік» аясында жүзеге асты.
Меценаттар Форумның көздеген мақсаты туған жерді көркейтуге, өркендетуге үлес қосып, қолдау жасаған, қайырымдылық іс –шараларына белсенді қатысқан, көше – аулаларды абаттандырып, әлеуметтік жобаларға қолдау танытқан азаматтарды анықтап елге кеңінен таныстыру.
Арнайы комиссия алдын – ала түскен пртфолиолары арқылы он номинация иегерін анықтап шешім шығарды. Форум номинациясының атаулары «Жомарт жүрек», «Туған жер», «Жүректен - жүрекке», «Әлеуметтік саланы дамытуға қосқан үлесі үшін», «Мейірімді жан», «Армандарға жол ашқан», «Атамекен», «Қоғамның таңдауы», «Аялы алақан», «Асыл адам». Іс –шараға қатысушы қонақтар мен үміткерлерді Жезқазған қаласы әкімінің орынбасары Аманғали Мұхамбедин құттықтап, Форум жұмысына сәттілік тіледі.
Сонымен жылдың үздік меценаты «Жомар Жүрек-2018» номинациясының иегері қаламызда тұңғыш рет балаларға тегін «IT» класс ашқан, талай игі істің бастамашысы «Ютария» ЖШС директоры Сәуле Шәуенова марапатталады. Сондай-ақ, «Атамекен» арнайы номинациясымен мүсінші, ағаш шебері Виталий Хлебов, «Қоғамның таңдауы» арнайы номинациясымен қомқорлық шараларынан шет қалмайтын «Юникс» ЖШС директоры Сергей Александрович, «Аялы алақан» арнайы номинациясымен «Элита» сұлулық салонының басшысы төрт жылдан астам М. Құлышева атындағы балалар үйінің тәрбиеленушілеріне жәрдемін аямай келе жатқан Жылқыбай Есімов, «Мейірімді жан» арнайы номинациясымен игі шаралардың демеушісі «Мейірімді жүрек» қоғамдық бірлестігінің төрайымы Эльвира Алпанбаева, «Армандарға жол ашқан» арнайы номинациясымен спорт жанашыры, жеке кәсіпкер Бауыржан Мұқашев, «Жүректен жүрекке» арнайы номинациясымен спорт жанашыры, әлеуметтік жобалардың белсенді жетекшісі Бауыржан Искаков, «Туған жер» арнайы номинациясымен атымтай азамат, туған ауылы Теректі ауылының көрейюіне үлесін қосып жүрген Бекзат Үмбетов, «Асыл адам» номинациясымен «Мейірімді асыл адам» қоғамдық қорының төрағасы, жаста болса игі істердің жаршысы болып жүрген, бүгінде республикаға танымал жас меценат Көңілбай Шүкенов, «Әлеуметтік саланы дамытуға қосқан үлесі үшін» номинациясымен жеке кәсіпкер, қайрымдылық іс –шараларының басты қасында жүретін «Мадина» кафесінің директоры Фарида Даулетбаева марпатталды. Номинация иегерлеріне арнайы статуэтка мен сертификат табысталды. Салтанатты шарада «Жар -жар» шоу би ансамблі, Арнайы
Астана қаласынан келген қонақ, республикалық конкурстардың лауреаты Қырым Медетбек, дәстүрлі әнші Жандос Сұлтан ән мен биден шашу шашып кештің көрігін кіргізді. Жоғарыда аттары аталған меценат жомарт жандар қаламыздағы №9 мектеп жанындағы интернат үйінің 30 - дан астам тәрбиеленушісіне «Мектепке жол» акциясы аясында көмек қолдарын созатындарын жеткізді. Айтулы «Жомарт жүрек» Форумы жыл сайын дәстүрлі түрде өтіп тұратын болды.
Ізтөлеу ТҮСІПОВ