Таяу бес жылда елордада жалпы ауданы 10 млн шаршы метрден асатын тұрғын үйлер салынады. Ол үшін қала әкімдігі төрт негізгі ауданды анықтады, деп хабарлайды елорда әкімдігінің ресми сайты.
Журналистермен кездесуде Астана әкімінің бірінші орынбасары Сергей Хорошун алғашқы нысан Мыңжылдық аллеясы ауданына салынатынын атап өтті («Қазақ елі» және жаңа теміржол вокзалына дейін). Мұнда шамамен барлық көлік-инженерлік құрылымме қамтылған 15 мыңнан астам пәтер пайда болады деп күтілуде.
Екінші бой көтеретін аудан – ол Мәңгілік Ел даңғылының айналасы. Бұдан басқа, құрылыстың үлкен бөлігі Тұран даңғылы мен «Хан Шатыр» аумағында жүргізіледі деп жоспарлануда.
Төртінші аудан – бұл Тельман тұрғын алабы. Әрбір аудан бойынша біз су құбыры желісі, кәріз, энергиямен жабдықтау, жылумен жабдықтау құрылысына байланысты барлық мәселені мұқият қарастырып әзірледік. Сондай-ақ, таяу екі жылда қалаға газ келетінін де есепке алдық. Осы аудандар қажеттілігіне қарай газ жабдықтау желісімен де қамтамасыз етілетін болады», - деді С. Хорошун.