«Олар бақытты болады»: Ата-аналары егіздерді бір-біріне үйлендірді

Алайда, егіздер ресми некеге отырған жоқ. Ерлі-зайыптылар ретінде де ешқандай міндет қойылмаған. Өйткені, ата-аналарының айтуынша, кейін олар өскенде өз таңдауларын жасай алады. 

Бұл некені ұл мен қыздың бақыты үшін ұйымдастырған. Тайлықтардың сенімі бойынша егіздер өткен өмірде бір-бірін сүйіп, қосыла алмай қалған адамдар болып саналады. Сол себептен де оларды бұл өмірде үйлендірген дұрыс екен. 

«Егіздердің бұдан бұрынғы өмірде шешілмей қалған мәселелерін біздің орындағанымыз жөн. Егер егіздерді бір-біріне үйлендірсек, олар бақытты және денсаулығы сау болады», - дейді балалардың әкесі Аморнсан Санторн Малират.