Димаш Құдайберген жаңа бейнеклипінің тұсауын кеседі (ВИДЕО)

Қазақты әлемге танытып жүрген жас талантты әнші Димаш Құдайберген бүгін жаңа бейнеклипінің тұсауы кесілетінін хабарлады. Өнер иесі өзінің Instagram парақшасында су жаңа клипінен үзінді жариялаған.

Димаштың мәліметінше, бүгін Нұр-Сұлтан уақытымен 22.00-де «Любовь уставших лебедей» әніне түсірілген клип көпшіліктің назарына ұсынылады. Әннің сөзін –Михаил Гуцериев, музыкасын –Игорь Крутой жазған. Клиптің режжисері – Алан Бадоев.

Еске сала кетейік, 22-23 наурызда жас талант иесі Мәскеуде Мемлекеттік Кремль сарайында жеке концертін өткізді. Оның шығармашылық кешіне әлемнің 50-ден астам елінен жанкүйерлері келді.