Елімізде мемлекеттік баспананы тегін алатын 10 топқа кімдер жатады?

«Тұрғын үй қатынастары туралы» Қазақстан Республикасының заңына сәйкес, мемлекеттік тұрғын үй қорынан баспананы тегін алуға құқылы тараптар:

1. Ұлы Отан соғысының мүгедектері мен қатысушылары;

2. бірінші және екінші топтағы мүгедектер;

3. Чернобыль атом электр станциясындағы апаттың, басқа да радиациялық апаттарды жоюға қатысқандар;

4. Семей ядролық сынақ полигонындағы ядролық сынақтардың салдарынан зардап шеккендер;

5. КСРО-ны қорғау кезінде, әскери міндеттерін орындау кезінде немесе майданда болуға байланысты сырқаттанғандар, сондай-ақ Ауғанстанда немесе ұрыс қимылдары жүргiзiлген басқа да мемлекеттерде әскери қызметін өткеру кезiнде жараланып, контузия алу салдарынан мүгедек болған әскери қызметшілер;

6. Арал маңындағы экологиялық қасірет салдарынан зардап шеккен азаматтар;

7. Күнтiзбемен есептегенде жиырма және одан да көп жыл еңбек еткен әскери қызметшiлер (қызметтен шығарылған әскери қызметшілерді және қызметкерлерді қоспағанда), сондай-ақ арнаулы мемлекеттік органдардың қызметкерлері;

8. Ғарышкерлікке кандидаттар, ғарышкерлер құқылы. Тұрғын үй берілген ғарышкерлікке кандидат немесе ғарышкер қаза тапқан (қайтыс болған) жағдайда, баспананы өтеусіз алу құқығы оның мұрагерлеріне ауысады;

9. саяси қуғын-сүргiндер құрбандары, сондай-ақ «Жаппай саяси қуғын-сүргiндер құрбандарын ақтау туралы»  Заңға сәйкес ақталған, мүгедектігі бар адамдар;

10. қызметін атқару кезінде қайтыс болған әскерилердің отбасы мүшелері енген.