Қоғам 08.03.2021 сағат 16:36

Қостанайда адам өлтірді деген күдікпен полиция қызметкері ұсталды

Қазір сотқа дейінгі тергеу амалдары жүргізілуде, ПД ішкі қауіпсіздік қызметі қызметтік тергеу бастады.
Қостанайда адам өлтірді деген күдікпен полиция қызметкері ұсталды
фото: azattyq-ruhy.kz
Бөлісу
Бөлісу
Бөлісу

Қостанайда ер адамды өлтірді деген күдікпен полиция қызметкері ұсталды. Бұл туралы Қостанай облысы полиция департаментінің баспасөз қызметі хабарлады.

BAQ.KZ сайтының жазуынша, кісі өлтіру бүгін түнгі сағат 03:00 шамасында Қостанай қаласындағы Тәуелсіздік көшесінде болған.

Қостанай облысының полиция департаменті қылмыстық кодексінің 99-бабы, 1-бөлімі («Кісі өлтіру») бойынша 37 жастағы екі ер адамның арасындағы жанжал фактісі бойынша сотқа дейінгі тергеуді бастады. Жанжалдасқанның бірі тіркелген мылтықпен екіншісіне оқ атқан. Ер адам алған жарақаттан қайтыс болды. Күдікті ұсталып, қамауға алынды. Тергеу әрекеттері жүргізіліп жатыр. Барлық қозғалған қылмыстық іс аясында тергеу амалдары жүргізілуде, - делінген баспасөз қызметі таратқан мәліметте. 

Бұқаралық ақпарат құралдарының сауалына жауап ретінде полиция бөлімінің баспасөз қызметі күдіктінің полиция қызметкері екенін растады.

Қазір сотқа дейінгі тергеу амалдары жүргізілуде, ПД ішкі қауіпсіздік қызметі қызметтік тергеу бастады, - делінген хабарламада.


 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар