«15 млн теңге сыйақы алған»: желіде министр Аймағамбетовке қатысты сыбыс тарап жатыр

Журналист Михаил Козачков өзінің Telegram-арнасында Қазақстанның білім министрлігінің шенеуніктеріне сыйақы төлеу туралы бұйрықтардың көшірмелерін жариялады, деп хабарлайды Stan.kz ақпарат агенттігі. 

Құжаттарға сәйкес, министр Асхат Аймағамбетов, министрліктің жауапты хатшысы Қанат Сәрсембаев, вице-министрлер Бибігүл Асылова, Мирас Дәуленов, Шолпан Каринова, Рүстем Биғариге сыйақы берілген.

Ведомство басшылары мұғалімдер күнінде (2 жалақы мөлшерінде), Тұңғыш Президент күнінде (3 жалақы мөлшерінде), Тәуелсіздік күнінде (6 жалақы мөлшерінде), сондай-ақ 2020 жылғы жұмыс қорытындылары бойынша (3 жалақы мөлшерінде) сыйақылар алған.

Осылайша, шенеуніктердің әрқайсысы негізгі жалақыға қосымша 13 жалақы алды.

"Жалпы алғанда, Аймағамбетов 1,2 миллион жалақымен 15 млн сыйақы алды. Алайда не үшін алғаны белгісіз. Мектептер мен университеттер қашықтан жұмыс істеді, БҒМ-де тоқтаусыз дау-дамайлар болды", - деп жазды Козачков.

Экономист Олжас Құдайбергенов Қазақстандағы мемлекеттік қызметшілердің жалақысы төмен екенін айтып, оны арттыру қажеттігін тағы да еске салды.

"Білім министрі және вице-министрлерінің 13 сыйақысы туралы жазбаны көрдім. Кейбір министрліктерде, тіпті, 36 жалақы көлемінде сыйақы береді. Әрине, қарапайым азаматтардың жалақысымен салыстырғанда бұл үлкен сан шығар, бірақ шын мәнінде бұл аз сома. Министрлердің жалақысы шамамен 800-900 мың теңгені құрайды, ал вице-министрлерде шамамен 500-600 мың теңге, ал бұл квазимемлекеттік сектормен, тіпті жеке сектормен салыстырғанда төмен жалақы", - деп жазды Құдайбергенов.

Оның айтуынша, ірі жоғары оқу орнының деканы айына 3 млн теңге, ал проректор мен ректор одан да жоғары жалақы ала алады.

"Ал бюджеті 1,3 триллион теңгені құрайтын білім жүйесін басқаратындар қанша алуы керек?",- деп Құдайбергенов риторикалық сұрақ қояды.

Ол жақын арада Қазақстанда факторлық-балдық шкала енгізілетінін еске салды, ол әр түрлі көрсеткіштерге қол жеткізгені үшін жыл ішінде еңбекақы мен сыйақы төлеуді екі есе арттыруды көздейді.

Сонда, экономистің пікірінше, мемлекеттік қызметшілерге мереке күндері үшін үстеме ақы төленбейді.

Бұған дейін білім министрі Асхат Айтмағамбетов Қазақстанда 500 мың теңгеден көп жалақы алатынын мұғалімдер бар екенін мәлімдеді.