Қоғам 06.12.2016 сағат 10:41

ҚР Бас прокуратурасының ғимаратына келген әйел өзін өртеп жіберді

Бүгін Астанадағы ҚР Бас прокуратурасының ғимаратында 48 жастағы әйел өзін өртеп жіберді деп хабарлайды Tengrinews.kz. Оқыс оқиға кіреберістегі Бақылау-тексеру пунктінде орын алған.

Бөлісу
Бөлісу
Бөлісу

"Бақылау-тексеру пунктінің қызметкерлері дереу өртті сөндіруге көшкен. Оның әрекеті ойламан жерден болған, себебі өртке дейін ол ештеңе деп айтқан жоқ. Оған алғашқы көмек көрсетіліп, жедел жәрдем шақырылды", - деді Бас прокуратураның баспасөз қызметіндегілер.

Алдын ала мәліметтер бойынша, ол әйелдің Рысманова М.Е., 1968 жылғы азамат екені анықталған. Ол 1988 жылғы Ахметов Е.Н. есімді ұлына қатысты шыққан сот үкіміне келіспегендіктен, осы қадамға барды. Рысманова М.Е Бас прокуратураға 2016 жылы 28 қарашада осы іс бойынша үндеу жариялаған. Осы істі қайта қарап шығу үшін Бас прокуратура соттан қылмыстық іс материалдарын алдырған болатын", - деді ведомстводағылар.

2015 жылы 15 маусымда Шу аудандық соты Ахметовты ҚР Қылмыстық кодексінің 296-бабының 4-бөлігі (Аса ірі мөлшердегі есiрткi - 3,5 грамм героин мен 285 грамм гашиш, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) бойынша 4 жыл 6 айға бас бостандығынан айырған. Ахметов сот үкіміне арыз берген, алайда жоғарғы инстанциядағы Жамбыл облыстық соты 2015 жылы 20 тамызда оның арызын өзгертусіз қалдырған.

Толығырақ мәліметтерді Бас прокуратура кейінірек тағы хабарлайтынын мәлімдеді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар