Қоғам 26.01.2023 сағат 12:00

«Сабақтан қалмайды»: Астанада 81 жастағы қария ағылшын тілін үйреніп жүр

Немерелерімнің оқып жүрген тілін мен де білгім келіп, күш салып, бір жағынан үлгі болсын деп ойлаймын.
Бөлісу
Бөлісу
Бөлісу

81 жастағы елорда тұрғыны Қайыпқали Смағұлов ағылшын тілін үйреніп жүр. Ол Еуразия ұлттық университеті жанынан ашылған Күміс университетінде дәріс алып жүр. Бұл туралы "Таңшолпан" бағдарламасында айтылған, - деп хабарлайды Massaget.kz тілшісі.

Телеарна мәліметінше, қария 8 бала, 5 немере, 3 шөбере сүйіп отыр. Ол алты техникалық, төрт қосымша мамандықты игерген. Еңбек өтілі 50 жылдан асады. Зейнеткердің сөзінше, әлемнің 70 пайыздан аса халқы ағылшын тілінде сөйлейді әрі жастар да ағылшын тілін біледі.

"Немерелерімнің оқып жүрген тілін мен де білгім келіп, күш салып, бір жағынан үлгі болсын деп ойлаймын", - деді. 

Ал мұғалімдер зейнеткердің курсқа екі айдан бері қатысып жүргенін әрі жауапкершілігімен, белсенділігімен, қызығушылығымен көзге түсетінін айтады.

"Сабақтан қалмайды, барлық тапсырманы орындайды. Интернетті пайдаланып, өз-өзін дамытуға мән береді", - деді ол.

Қайыпқали Смағұлов алдағы мақсаттарын да бөлісті.

"...Ағылшын тілін аяғына дейін жеткізуім керек. Тілді меңгерген соң шетелге шығып, саяхат жасап, олардың мәдениетін, экономикасын, саяси жағдайларын байқау деген үрдіс бар. Соны орындауым керек", - дейді ол.
 

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар