«Газель» жүк көлігінің жүргізушісі жол шетінде жатқан адамды қағып кеткен.
Павлодар облысы Успен ауылында жол шетінде мас күйде жатқан адамды көлік қағып мерт қылды, деп хабарлайды Skifnews.kz ақпарат порталы.
Павлодар облысы полиция департаментінің мәліметінше, 23 қаңтар күні Успен ауылындағы Гагарин – Чехов көшелерінің қиылысында «Газель» жүк көлігінің жүргізушісі жол шетінде жатқан адамды қағып кеткен.
Тәртіп сақшыларының мәліметінше, қайтыс болған адам болжаммен мас болған.
Жол-көлік оқиғасы салдарынан жаяу жүргінші алған жарақаттарынан сол жерде қайтыс болды. Сот-медициналық сараптамасы тағайындалды. Көлік айып тұрағына қойылды. Аталған факті бойынша тексеру жүргізілуде, - деп жазылған хабарламада.