Одан кейін пәтердің шатыры, оның қабырғалары мен жабындылары толық опырылып түсті.
Қарағанды облысының Ботақара кентінде құтқарушылар тұрмыстық газдың жарылуы салдарынан құлаған үй қирандыларының астынан екі адамның денесін алып шықты. Оқиғадан 5 адам зардап шеккен, оның үшеуі - балалар, деп хабарлайды Skifnews.kz ақпарат порталы.
Еске салсақ, 2024 жылғы 30 қаңтарда сағат 00:07–де Бұқар жырау ауданы, Ботақара кентіндегі Әуезов, 8а мекенжайы бойынша екі қабатты, екі кіреберісі бар 12 пәтерлі тұрғын үйдің екінші қабатында орналасқан № 10 пәтерде жарылыс болды.
Одан кейін пәтердің шатыры, оның қабырғалары мен жабындылары толық опырылып түсті. Сондай-ақ бірінші қабатта орналасқан жалпы ауданы 300 шаршы № 7 пәтерге де қатты зақым тиді, оның қабырғалары да құлаған.
Үй 2014 жылы салынған. Оның жалпы ауданы 510 шаршы метр.
Сондай-ақ төтенше жағдай кезінде бірінші қабаттағы № 5, 6, 8, екінші қабаттағы № 11, 12 пәтерлер жарым-жартылай зақымданған. Үйде барлығы 46 адам тұрады, жарылыс кезінде үйде 35 адам болған.
Облыстық ТЖД мәліметінше, сағат 00:11–ден 03:37–ге дейінгі аралықта құтқару жұмыстары кезінде қирандылар астынан қаза болған екі адамның денесі шығарылған.
Оқиға орнында жедел штаб құрылды. Жұмысқа 139 адам мен 32 техника жұмылдырылған.