$ 442.05 € 474.14 ₽ 4.74
Бақтияр Жақсылықов – Талғар аудандық «Алатау» бастауыш партия ұйымының төрағасы, қоғамдық кеңестің мүшесі.
Әлеуметтік желіде Алматы облысындағы такси жүргізушісі мен қоғамдық кеңес мүшесінің арасындағы жанжалдың видеосы тарап жатыр, деп хабарлайды Skifnews.kz ақпарат порталы.
Талғарда такси жүргізушісі мен ер адам жанжалдасып, ер адам «Аллаһу акбар, аударылып қал!» деп, есікті тарс жапқан және тепкен. Желі қолданушылары осындай ауыр сөзді айтқан адам Гүлдала ауылындағы мешіттің имамы екенін айтып, танығанын жазған.
Алматы облысының дін істері басқармасы оның имам емес екенін мәлімдеді.
Әлеуметтік желілерде Талғар қаласында такси жүргізушісі мен жолаушы арасындағы жанжал түсірілген видео таралуда. Кейбір ақпарат көздері жолаушы Гүлдала ауылындағы мешіттің имамы екенін айтады. Алайда Бақтияр Жақсылықов Талғар аудандық қоғамдық кеңесінің мүшесі екенін хабарлаймыз. Жалған ақпарат таратпауыңызды сұраймыз, – делінген ведомства ақпаратында.
Бақтияр Жақсылықов – Талғар аудандық «Алатау» бастауыш партия ұйымының төрағасы, қоғамдық кеңестің мүшесі. Бірақ әлеуметтік желідегі жеке парақшасының 2022 жылғы посттарында Бақтияр Жақсылықов өзін ұстаз, исламтанушы, имам деп жазған және бірнеше рет имам ретінде телебағдарламаларда қонақ болған.
