Қызметтік тергеу аяқталып, тиісті шаралар қабылданған.
Павлодарда қол астындағы жүкті қызметкермен болған жанжалдан кейін полиция департаменті бастығының орынбасары қызметінен босатылды, деп хабарлайды Skifnews.kz ақпарат порталы.
Павлодар облысының полиция департаментінің мәліметінше, қазір бұрынғы полиция қызметкері өз әрекетімен құқық қорғау органдарының беделіне нұқсан келтіріп, қызметінен қалпына келтіру құқығынсыз босатылды.
"Павлодар қаласы ҚПП Орталық полиция басқармасы бастығының тергеу жөніндегі орынбасары Қазақстан Республикасының ішкі істер органдарынан қызметінен босатылды", – делінген полиция департаментінің хабарламасында.
Қызметтік тергеу аяқталып, тиісті шаралар қабылданған.
Еске салайық, өткен жылдың қазан айында әлеуметтік желілерде жоғары лауазымды полицей жүкті қызметкерді ұрып жіберді деген ақпарат пайда болған еді. Тәртіп сақшысына қатысты қызметтік тергеу басталғаны айтылған.