$ 443.37 € 474.49 ₽ 4.83
Атасы көрсетілген жағдайды растады.
Меркі аудандық сотында қайын атасын ұрып-соққан азаматқа қатысты әкімшілік іс қаралды, деп хабарлайды Skifnews.kz ақпарат порталы.
Сотта анықталғандай, 2024 жылдың ақпанында Меркі ауылында келіні мен қайын атасының арасында жанжал туындап, әйел қайын атасының басынан ұрған, алайда денсаулығына зиян келтірмеген.
Құқық бұзушының кінәсі жәбірленушінің берген жазбаша арызы және түсініктемесі, дәрігерлік анықтама, құқықбұзушылық туралы хаттамамен, сонымен қатар сотта зерттелген басқа да кұжаттармен толық дәлелін тапты. Сот отырысында әйел өзінің кінәсін мойындап, жасаған іс-әрекетіне өкініш білдірді. Атасы көрсетілген жағдайды растап, шағымы жоқ екендігін айтты.
Сот қаулысымен әйел Г. ӘҚБтК-нің 73-2 бабы 1-1 бөлігі бойынша кінәлі деп танылып, оған әкімшілік жаза ретінде ескерту жасалды, – делінген сот хабарламасында.
