Оңтүстік Жезқазған кеніші №45 шахтасының электр дәнекерлерушісі тау-кен-шахталық көлігінің астында қалып қойған. Ол оқыс оқиға салдарынан ажал құшты, деп хабарлайды Skifnews.kz ақпарат порталы.
Кісі өліміне алып келген бұл жазатайым оқиға 235-шахтадағы №1 штрект өндіріс орнында болған. Осы оқиғаға байланысты тергеу органдары тексеру жұмыстарын жүргізіуде. Мысалы, тау-кен-шахталық көліктің жүргізушісі жолындағы жұмысшыны қалай байқамай қалғандығын анықтауда. Кенші қаза тапқан шахта «Қазақмыс корпорациясы» ЖШС-не тиесілі.
«Жазатайым оқиға салдарынан 1973 жылы туған электр дәнекерлеушісі ауыр жарақат алып, көз жұмды. «Қазақмыс» компаниясының басшылығы мен еңбек ұжымы қаза болған қызметкердің туған-туыстарына көңіл айтады», - деп хабарлады компанияның баспасөз қызметі.