Оқиғалар 20.04.2020 сағат 13:00

Түркістандық тұрғын қызғалдақ жұлғаны үшін жауапқа тартылды

Алты қызғалдақ айғақты зат ретінде алынып, сараптама тағайындалды.
Түркістандық тұрғын қызғалдақ жұлғаны үшін жауапқа тартылды
Бөлісу
Бөлісу
Бөлісу

 Түркістан облысында полицейлер Қызыл кітапқа енген қызғалдақты жұлған ер адамды ұстады, деп хабарлайды Polisia.kz

Экологиялық қылмыстардың жолын кесу бойынша жедел-профилактикалық  іс-шара аясында Бәйдібек аудандық полиция бөлімшесінің полиция қызметкерлері аудан орталығы көшелерінің бірінде "ВАЗ" автокөлігін тоқтатқан. Тәртіп сақшылары тексеру барысында аталған автокөліктің салонынан ҚР Қызыл кітабына енгізілген алты “Грейг қызғалдағын” тапқан. Анықталғандай, жүргізуші Ордабасы ауданының тұрғыны, аталған қызғалдақтарды кенттердің бірінің жанындағы далада жұлып алып, өз автокөлігіне салып алған. 

Қызыл кітапқа енгізілген  қызғалдақты жұлып алған күдікті Бәйдібек аудандық полиция бөліміне жеткізілді. Алты қызғалдақ айғақты зат ретінде алынып, сараптама тағайындалды. 

Қазіргі уақытта аталған жайт бойынша ҚР Қылмыстық кодексінің 339-бабының 1-бөлігі (сирек кездесетін және құрып кету қаупі төнген, сондай-ақ пайдалануға тыйым салынған өсімдіктер мен жануарлар түрлерін, олардың бөліктерін немесе дериваттарын заңсыз пайдалану) бойынша сотқа дейінгі тергеу амалдары жүргізіліп жатыр. 

Осы баптың санкциялары үш мың АЕК дейінгі мөлшерде айыппұлды немесе сол мөлшердегі түзеу жұмыстарын, не 800 сағатқа дейінгі мерзімге қоғамдық жұмыстарға тартуды, не 3 жылға дейінгі мерзімге бас бостандығын шектеуді, не мүлкі тәркіленіп, 5 жылға дейінгі мерзімге белгілі бір лауазымдарды атқару немесе белгілі бір қызметпен айналысу құқығынан айырып, сол мерзімге бас бостандығынан айыруды көздейді. 

Түркістан облысының полицейлері облыс тұрғындарын ҚР Қызыл кітабына енгізілген және жойылып кету қаупі бар жабайы қызғалдақтарды жұлмауға шақырады. Өңір табиғатына залал келтірген жағдайда тәртіп бұзушылар қылмыстық жауапкершілікке тартылады.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар