Оқиғалар 28.04.2020 сағат 10:40

Бағып жүрген қойларын иесінен жасырып сатқан бақташының былығы әшкереленді

Күдікті міндеттеме арқылы босатылды.
Бағып жүрген қойларын иесінен жасырып сатқан бақташының былығы әшкереленді
фото: zhambylatameken.kz
Бөлісу
Бөлісу
Бөлісу

Түркістан облысының полицейлері иесінен жасырып, қойын сатып жүрген бақташыны ұстады, деп хабарлайды Polisia.kz

Қазығұрт аудандық полиция бөлімшесіне жергілікті тұрғын арызданды. Ол өз арызында мал жайылымға 500-ден астам қойын тексеруге барғанында, қой мен қозысы жоқ болып шыққанын жеткізді. 

Оқиға орнына жеткен полицейлер қажетті іс-шараларды жүзеге асырды. Куәгерлерден жауап алу барысында, бұл қылмысқа жәбірленушінің малын сеніп тапсырған бақташысының қатысы бары анықталды. Ол өз кінәсін толық мойындады. Тергеу барысында бақташы қой мен қозыны Сарығаш ауданындағы танысына 35 000 теңгеге сатып жібергені белгілі болды. 

Тәртіп сақшылары айғақты зат ретінде ұрланған малдарды тәркілеп алды. Қазіргі таңда бақташы мен сатып алушы Қазығұрт аудандық полиция бөлімшесіне жеткізіліп,  тергеу амалдары жүргізіліп жатыр. Күдікті міндеттеме арқылы босатылды. Аталған жайт ҚР Қылмыстық кодексінің 189-бабы (сеніп тапсырылған бөтен мүлікті иемденіп алу немесе талан-таражға салу) бойынша тіркеліп, сотқа дейінгі тергеп-тексерудің бірыңғай тізіліміне енгізілді.

Түркістан облысының полицейлері тұрғындарға өздеріңіздің мал-мүліктеріңізді жақын таныс емес адамға сеніп тапсырмауды ескертеді.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар