Оқиғалар 03.06.2020 сағат 22:40

СҚО-да кен орнының қожайындары төбелесіп, 10 адам жарақаттанып қалды

2004 жылы ашылған кәсіпорынның бүгінде жеті бірдей құрылтайшысы бар. Қожайындар компанияның табысын бөлісе алмағанға ұқсайды.
СҚО-да кен орнының қожайындары төбелесіп, 10 адам жарақаттанып қалды
Бөлісу
Бөлісу
Бөлісу

Солтүстік Қазақстан облысында кен орнының қожайындары арасында жанжал туды. Тараптардың жанжалы бейнетаспаға жазылып, дереу әлеуметтік желіде тарап үлгерді, деп хабарлайды «Астана» телеарнасы.

Төбелеске ұласқан дау Тайынша ауданындағы титан-цирконий кен орнында болды. 2004 жылы ашылған кәсіпорынның бүгінде жеті бірдей құрылтайшысы бар. Қожайындар компанияның табысын бөлісе алмағанға ұқсайды.

Бір ымыраға келе алмаған соң, қарағандылық екі құрылтайшы күзет компаниясының қызметкерлерін шақыртып, кен орнына баса-көктеп кірмекші болған. Бұған жергілікті жұмысшылар кедергі болды. Сол жерде 40 шақты адам жаға жыртысқанын полиция растады.

Оқиға орнына дереу тәртіп сақшылары жетіп, жағдайды бақылауға алды. Қантөгістің салдарынан он адам дәрігердің көмегіне жүгінді. Бұл фактіге қатысты құзырлы орган қылмыстық іс қозғаған.

«ҚР Қылмыстық кодексінің 293-бабы 3-бөлімі және 252-бабына сәйкес, яғни бұзақылық пен қызметтік бабын асыра пайдалану фактісі бойынша қылмыстық іс қозғалды. Төбелес барысында белсенділік танытқан 1994 және 1998 жылғы қос азамат ұсталды. Қазір тергеу жұмыстары қолға алынды», - деді СҚО Полиция департаменті басшысының орынбасары Еңбек Сембин.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар