Оқиғалар 30.06.2020 сағат 11:40

Жамбыл облысында рельстен шыққан вагондар өртеніп кетті

Тілсіз жауды ауыздықтауға Шу станциясындағы өрт сөндіру пойызы жұмылдырылып, 42 адам оқиға орнынан эвакуацияланды.
Жамбыл облысында рельстен шыққан вагондар өртеніп кетті
Фото: sputnik
Бөлісу
Бөлісу
Бөлісу

Жамбыл облысының Шу ауданындағы Шоқпар станциясында түнгі сағат екі шамасында Алматы – Ақтоғай жүк пойызының екі вагоны рельстен шығып кеткен, деп хабарлайды Skifnews.kz ақпарат порталы Sputnik Қазақстанға сілтеме жасап.

Оның бірі – платформа үстіне қойылған контейнер болса, екіншісі – жанармай құйылған 60 тонналық цистерна.

"Құлаған цистернадағы жанармайдың жартысы төгіліп, 600 шаршы метр аумақта өрт шықты. 75 метр шойын жолға зақым келді", - делінген төтенше жағдайлар жөніндегі комитет хабарламасында.
Өрт салдарынан Шу, Алайғыр және Еспе теміржол станциясында 10 жолаушы пойызы тоқтатылды.

"Қазақстан темір жолы" компаниясының құрылымдық күштерінің көмегімен 10 жеке тұрғын үй секторының 42 тұрғыны эвакуацияланып, олар Шокпар ауылындағы туыстарының үйіне орналастырылды.

Шу станциясындағы өрт сөндіру пойызы тілсіз жауды ауыздықтауға жұмылдырылып, өрт таңғы алтыда толық сөндірілді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар