Бір жасар баласын сатқысы келген әйел ұсталды

Өзбекстанның Сырдария облысына қарасты Гүлістан қаласының тұрғыны бір жастағы баласын сатуға талпынған. Бұл туралы Сentralasian.org, жергілікті милиция қызметіне сілтеме жасап хабарлады.

Сырдария облыстық ішкі істер басқармасы жүргізген шұғыл әрекет нәтижесінде бір жастағы баласын сату кезінде 25 жастағы А.У. ұсталды.

Хабарларға қарағанда, бала сатып алушы болып жасырынған милиция қызметкері 21 шілдеде А.У.-мен Гүлістан қаласында кездесіп, бала үшін қыруар ақша берген.

Әйел ақшаны алу кезінде ұсталды.

Сырдария облысының милициясы осы іске қатысты тергеу жүргізіп жатыр.