Атыраулық тұрғынның көлігінен қара уылдырық табылды

26 жастағы тұрғын Атырауға жетпей, жолда қара уылдырықпен ұсталды, деп хабарлайды Polisia.kz. 

Атырау полицейлері  30 тамыз күні жедел іс-шара барысында "Ақтөбе – Астрахань" тас жолының Аққыстау селосы тұсында Атырауға бағыт алған "Ваз-2114" көлігін тоқтатты. Исатай ауданы Жанбай селосының 1994 жылғы тұрғынының басқаруындағы көлік салонынан салмағы бір келі болатын қолдан дайындалған бекіре балығының қара уылдырығы табылды. 

ҚР ҚК 339-1-бабы (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) бойынша cотқа дейінгі тергеп-тексеру жүргізілуде.