Алматы облысында ер адам жасөспірімді қамшымен көк ала қойдай сабаған (ФОТО)

Алматы облысында 16 жастағы жасөспірімді қамшымен сабап, тұншықтырған. Полиция бұл істі бір жарым айдан бері зерттеп келеді, деп хабарлайды Stan.kz.

Зардап шеккен баланың анасы Мария Мұстафаеваның айтуынша, шопан қамшымен баланы ұрған. Белгісіз адам жасөспірімді сабап, тіпті оны тұншықтырған көрінеді. Бала шопанның бұл қыспағынан шығып, сытылып үлгерген. 

Анасы 40 жастағы ер адамның бала көкала қойдай еткенін айтады. Дәрігерлер контузия диагнозын қойды. Оқиға қазан айының басында Есік қаласында болған. Әйел күдікті әлі табылған жоқ деп шағымданады.

"Екінші қарашада мен прокуратураға біздің АІІБ-нің жұмыс істемейтіні туралы өтініш жаздым. 10 күннен кейін маған сот-медициналық сараптама жүргізілгендіктен істі тергеуден бас тартылғанын айтты. Бірақ бұл құжат дайын болғанымен, ешқандай өзгеріс жоқ. Ауылда таулардың етегінде тұрамыз және бұл тауларға жиі барамыз, тіпті біреуді іздегеніміз де көрінбейді. Ұлымның жағдайы жақсы. Бірақ көшеге шығуға қорқады", - деді Мұстафаева.

Алматы облыстық полиция департаменті бұзақылық дерегі бойынша сотқа дейінгі тергеу жүргізіліп жатқанын хабарлады.

"Түрген шатқалында атты ер адамның кәмелетке толмаған балаға дене жарақатын салу фактісі Қылмыстық кодекстің 293-бабы 3-бөлігінің 2-тармағы бойынша тізілімде тіркелген. Тергеу нәтижелері бойынша күдікті адам міндетті түрде анықталып, құқық бұзушы қолданыстағы заңнамаға сәйкес жауапқа тартылады", - деп хабарлады Алматы облысы полиция департаментінің баспасөз қызметі.