Оқиғалар 02.03.2021 сағат 10:40

Талғарда науқастың туыстары дәрігерді соққыға жықты (ВИДЕО)

Ол боғауыз сөз айтып, әдепсіз сөйледі...
Бөлісу
Бөлісу
Бөлісу

 Кеше Талғар аудандық орталық ауруханасының қабылдау бөлімінде науқастың туыстары түнгі кезекшілікте болған және науқастарды қабылдаған хирургты ұрып-соққан, деп хабарлады paryz.kz.

Оқиға туралы блогер Жанар Құсайынова YouTube-тағы LIFE KZ арнасында айтты.

«Бүгін мұнда жағымсыз оқиға болды. Қабылдау бөлмесінде дәрігерді ұрды. Соқыр ішегін алып тастауды қажет ететін науқастың туыстары емдеу процесіне араласуға тырысты. Ол боғауыз сөз айтып, әдепсіз сөйледі... Пациенттер мен олардың туыстары тарапынан мұндай қарым-қатынас болмауы керек», - деді блогер.

Оның айтуынша, зардап шеккен дәрігер есінен танып, тексеру үшін травматология бөліміне жеткізілген. Ол компьютерлік томографиядан өтті.

«Мұндай фактілер жария етілуі және құқық қорғау органдарының, денсаулық сақтау органдарының назарынан тыс қалмауы тиіс. Дәрігерлер мен барлық медицина қызметкерлері мемлекеттің қорғауында болып, біздің азаматтарымыздың денсаулығын сақтау және өмірін құтқару бойынша қызметтерін орындауы керек», - деді Жанар Құсайынова.

Құқық қорғау органдары мен медициналық мекеменің өзі бұл оқиға туралы әлі түсініктеме берген жоқ.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар