Оқиғалар 15.03.2021 сағат 01:05

Алматы облысында жол бойынан ер адамның мәйіті табылды

Кейіннен оның 38 жастағы Қызылорда облысының тумасы екені анықталды.
Алматы облысында жол бойынан ер адамның мәйіті табылды
Бөлісу
Бөлісу
Бөлісу

Алматы облысында "Алматы-Бішкек" тас жолының бойындағы жанармай құю бекетінің маңынан ер адамның мәйіті табылды. Бұл туралы sputnik.kz облыстық полиция департаментінің баспасөз қызметіне сілтеме жасап хабарлады.

Қарасай аудандық полиция басқармасының кезекші бөліміне "Алматы-Бішкек" тас жолының 24-шақырымындағы жанармай құю бекетінің артында түрлі дене жарақаты бар белгісіз ер адамның мәйіті табылғаны жөнінде хабар түскен.

Кейіннен оның 38 жастағы Қызылорда облысының тумасы екені анықталды.

"Қазіргі уақытта осы қылмысқа қатысы бар адамдарды анықтау бойынша жедел-іздестіру шаралары жүргізіліп жатыр", – деп хабарлады облыстық полиция департаменті.

Полицейлер Қылмыстық кодекстің 99-бабы, 1-бөлігі бойынша (адам өлтіру) сотқа дейінгі тергеуді бастады.

Айта кетейік, бұл бап бойынша кінәлілерге 8 жылдан 15 жылға дейін бас бостандығынан айыру жазасы тағайындалады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар