Алматыда жолаушылар автобусы мен тепловоз соқтығысты. Оқыс оқиға бүгін 09:30 шамасында болған, деп хабарлайды ҚазАқпарат.
Жол апатының видеосы әлеуметтік желіде пайда болды.
Алматы қалалық Полиция департаменті баспасөз қызметінің мәліметінше, апат бүгін, 27 сәуірде сағат 09: 30-да болған. «№ 74 бағыттағы «Лиаз» маркалы автобусының жүргізуші Бекмаханов көшесімен батыс бағытта келе жатып темір жол өткелінде тепловозбен соқтығысқан. Жол-көлік оқиғасы салдарынан ешкім зардап шеккен жоқ»,- деді Алматы қаласы ДП тергеу басқармасының бастығы Олжас Шәріпов. Аталған деректі Түрксіб аудандық полиция басқармасы тексеріп жатыр.