Оқиғалар 31.12.2021 сағат 01:29

Ақмола облысында заңсыз алтын өндірумен айналысқан қылмыстық топ құрықталды

Бір мезетте 12 жерде тінту жүргізген тәртіп сақшылары заңсыз алтын өндірушілердің үстінен түскен.
Ақмола облысында заңсыз алтын өндірумен айналысқан қылмыстық топ құрықталды
Бөлісу
Бөлісу
Бөлісу

Ақмола облысында заңсыз алтын өндірумен айналысқан қылмыстық топ қолға түсті. Оңай олжаға кенелмек болғандарды ұстау үшін полиция Степногор, Бестөбе, Изобильное және Ақсу кентінде арнайы операция жүргізді, деп хабарлайды КТК арнасы.

Бір мезетте 12 жерде тінту жүргізген тәртіп сақшылары заңсыз алтын өндірушілердің үстінен түскен. Мәселен, Бестөбе кентіндегі шағын цехта алтыны бар қиыршық тасты үгітіп електен өткізетін және жуу құрылғылары орнатылған екен.

Сондай-ақ цехтан бір жарым тонна құрамында қымбат металл бар кен және алтын аралас құм тәркіленді. Қару-жарақ та табылды. Күдіктілер сол маңдағы жұмыс істеп тұрған алтын кеніштерін торуылдап тазартылмаған кен ұрлаған. Сөйтіп оны өз бетінше өңдеп, алынған алтынды Шымкент қаласы арқылы Түркияға жөнелтіп отырыпты.

Қазір тергеу жүріп жатыр. Әзірге 8 күдіктінің 7-еуі қамауға алынды. Олардың қатары бұдан да көп болуы мүмкін.

 «Тергеу жалғасып жатыр. Қымбат тастарды, құрамында бағалы металл бар кенді заңсыз айналысқа шығару бойынша қылмыстық іс қозғалды. Олар иесіз қалған кеніштерді емес, жұмыс істеп тұрған шахталарға түскен. Бірнеше елдімекенде тұратын азаматтар айналысқан. Қазір басқа да эпизодтар анықталып жатыр», - деді Ақмола облысы ПД бастығының орынбасары Бақтияр Сүлейменов.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар