$ 448.15  483.46  4.86

Алматы облысында 4 бала, екі ересек адам жол апатынан көз жұмды

Mercedes көлігінде болған 6 адам қаза тапты, олардың 4-уі кәмелетке толмағандар.
фото: Polisia.kz
фото: Polisia.kz

Алматы облысының Еңбекшіқазақ ауданында ірі жол апаты болып, 6 адам қаза тапты, жарақат алған 4 адам ауруханаға түсті, деп хабарлайды Azattyq Ruhy.

Жол апаты 13 қазан күні сағат 17.30 шамасында Mercedes және Subaru автомашиналарының қатысуымен болған.

Алдын ала мәліметтер бойынша 28 жастағы Mercedes жүргізушісі Алматы - Көкпек - Көктал тас жолының 69 шақырымында қарсы қозғалыс жолағына шығып, Subaru көлігімен жанамалы соқтығысуға жол берген. Одан әрі басқарудан айырылып, жол жиегіндегі ағашқа соғылған.

Оқиға орнында Mercedes көлігінде болған 6 адам қаза тапты, олардың 4-уі кәмелетке толмағандар. Әр түрлі жарақаттармен зардап шеккен тағы 4 адам ауруханаға жатқызылды.

Айта кету керек, 1992 жылы шыққан Mercedes-те 10 адам болған, оның 7-уі кәмелетке толмағандар.

Қазіргі уақытта полиция қызметкерлері барлық мән-жайларды анықтауда. Факті бойынша қажетті сараптамалар тағайындалды. Сотқа дейінгі тергеп-тексеру басталды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары