Отандық әнші Бүркіт шетелде жылжымайтын мүлігі барын мәлім етті. "1001 түн" бағдарламасында Бүркіт пен Аиша Дубайда үйі мен кәсібі барын және алдағы уақытта ұшақ алуды армандайтынын айтты, деп жазады KAZ.NUR.KZ.
"Дубайда кәсіп те, үй де бар. Балиде жоқ, алыстау. Әлі тікелей ұшақ жоқ. Дубай арқылы айналып ұшамыз. Ұшақ керек. Ұшақ іздеп жүргенмін. Сөйтіп "Ұшақты не істейсің?" деп ұрысты. Мен ұшақты жақсылап іздедім. Бір жыл оқимын. Зымыранға отырып, ғарышқа ұша алмаймын. Құдай қаласа оқып шығамын, сосын ұшақты айдаймын. Бірақ бұлар (Аиша - ред.) ағам екеуі қосылып алып, "Ұшақты не қыласың" деп ұрысты", - дейді Бүркіт.
Ал әншінің жұбайы Аиша Бүркіттің ұшақты өзі айдағысы келгендіктен, бұл идеясына қарсы болғанын айтты. "Ұшақ алса, жарайды. Ол өзі ұшақты жүргізгісі келеді. Өмір бойы ұшақ айдап көрмеген адам, оны жүргізуді ойлайды. Оқып алғысы келеді. Уайымдаймын. Мен саған сенемін. Бірақ сенімен бірге ұшқым келмейді", - деп күлді Аиша бағдарлама барысында.