«Бәрі сатты, жалғыз қалдым»: Мақпал Жүнісова жолдасы Заманбектің естелік өлеңдерін бөлісті

Қазақстанның халық әртісі, әнші Мақпал Жүнісова күйеуі марқұм Заманбек Нұрқаділовтың жазып қалдырған естелік өлеңдерін жариялады. Бұл туралы өнер иесі өзінің Іnstagram-парақшасына бөлісті, - деп хабарлайды Massaget.kz.

Әнші Мақпал Жүнісова күйеуінің естелік жазбаларын жариялады. 

"Зәкеңнің 2005 жылы, 8-ші тамызда, Мерей екеумізге жазғаны. Топырағың торқа болсын Зәке! Біз ешқашан сізді ұмытқан емеспіз, сол өзіңмен кірген шаңырақтамын. Бұл үйге 1994 жылы, қараша айының 20-ы кірген едік. Міне 2024 жылы 30 жыл болады екен", - деп жазды әнші өзінің instagram парақшасында.

Сондай-ақ, әнші Заманбек Нұрқаділовтың бірнеше өлеңін жариялады. 

Желі қолданушылары жазбаны оқып, әнші қолдап түрлі пікір қалдырды.

"Керемет", "Сізге деген махаббатының мәңгілік екенін білдіріп кетіпті", "Жүрекпен ұғынысқан сүйегі асыл азамат", "Мынадай өлең тудырған Мақпал бақытты ғой", "Шын махаббатты сезінудің өзі бір бақыт", "Сізге ғашық болған екен ғой", – деп жазды желі қолданушылары. 

Айта кетейік, бұған дейін біз марқұм Заманбек Нұрқаділовтың екі отбасы не себепті араласпайтынын жазған болатынбыз. Оны осы жерден оқып біле аласыз.